Тоюндуп

Танов Сержиевич

 

(1939- 1985)

 

         Танов Сержиевич Тоюндуп 1939 чылдыӊ  ноябрь 20-де Тес-Хем кожууннун Берт-Дагга төрүттүнген, 1959  чылда Кызылдыӊ башкы училищезин, дараазында күрүнениӊ Кызылда башкы институдун, Новосибирскиде партияныӊ дээди школазын дооскулаан. Эрзин, Тес-Хем кожууннарга башкылап, «Бурунгаар» деп район солунунуӊ харыысалгалыг секретарынга база элээн каш чылдар иштинде партия, совет органнарга ажалдап чораан. Т.Тоюндуп чогаал ажылын студент чылдарында эгелээн. Ооӊ бижээн шүлүктери «Улуг-Хем» сеткүүлге, республика солуннарынга парлаттынгылаан. Шүлүктерниӊ саны хөй эвес, ычалза-даа оларны номчаан кичээнгейлиг номчукчу авторнуӊ тыва дылын эки билирин, бижиир аянын онзагайын эскерип каар. Танов Сержиевич бодунга аажок негелделиг кижи чораан. Шүлүктерин дуржулгалыг эштеринге сайгарткаш, ооӊ эрбеннерин кызы-маа биле катап-катап хоюглап,эдип-чазап турганын ооӊ архивинде арткан бижиндилерден көрүп болур.

         Төрээн черинге, төрел чонунга чоргаарал болгаш хайыра, сеткидиӊ дээди ыдыкшылдары – ынакшыл, найырал бо бүгү ооӊ демир-үжүүн хей аът киирип, солун шүлүктерни бижииринге чылдак болган.      

         1985 чылдыӊ февраль 7-де човалаӊга таварышкаш, назынындан эрте чарылган.