Тыва дылым

 

Орус дылда кожаң ырга ынаам аажок,

Ол дыл дээрге чуртталгамның чамдыы дээр мен.

Бижип, номчуп, сактып, дыңнап, боданганым,

Билип алган орус дылым үнелээр мен.

Перси дылда бижээн шүлүк аайлашкан,

Белен болгаш дүлгээзинниг чараш дээр-дир.

Француз дылды дыңнаарымга чараш-ла-дыр,

Бырлаңнашкан чалгыглар-даа сагындырар.

А англи дыл – күчү-күштүг шуурган-на,

Амыргалап, бүрээлээн дег дыңналыр-дыр.

Испан дылда ырлар дыңнааш, шыдашпас мен,

Эрим хайнып, сыным бедип хертее бээр.

Ол-ла көвей янзы-бүрү дылдар шупту

Онза, чараш үнелиг деп демдеглеп каайн…

Ынчалза-даа мээң хуумда чарылбазым,

Ынак мен деп чугаалааным чаңгыс дыл бар.

Айдың дүне өпей ырын ырлап оргаш,

Авамның мээ чаяап берген эртинези –

Чидиг чепсээм, өөрүшкүм, муңгаралым,

Чигзинижим, ынакшылым, изиг ханым,

Өлүп чыда байырлажыр сөөлгү сөзүм,

Өртек билбес байлакшылым – тыва ды

 

Авам   чевээ

​

Санмай баштыг  балан шаамда  хоор  коргеш,

Салаам айтып «Дуу ол чул?»- деп ,айтырар мен.

Авам хоокуй аажок коргар, элдеп кижи,

Айтыр салаам аарышкылдыр  ызырыпкаш:

«Ынаар черле моон сонгаар айытпас сен,

Ынчанмас чоор, чассыгбайым, созун бер»- дээш,

Салаажыымны чаагынга чыпшыр туткаш,

Чаржалаштыр мээн-биле ыглай кааптар…

Ынча келби, чаяан орун эндевээн дег,

Ынак авам тура албас аарый берип,

Чалгыннары чугленгелек, эрге-чассыг

Чангыс оглун арттырып кааш, мочуй берген.

Эзенгиден адактатпайн тептингелек,

Эр шаа четпээн балдырбежек оскус мени

Акыларым, ченгелерим, торел чонум

Аартыктавайн остуруп каан ,орем улуг.

«Салым- чолум хугбайын»деп ам кээп богун

Чарбыттынар ,чаргылдажыр эргем-даа чок:

Эки улус  эриг созу соруум чуглеп,

Эргим  авам чылыг караан солуп чорду.

Бо-ла-дыр ам,бодум база ада болдум.

Бодалымда-ажыл-иш-ле, ажы-тол-ле…

Амгы нарын делегейге чурттаары-даа

Амыр эвес: чуу-даа чувээ таваржыр-дыр.

Сагыш-чурээм эмин эрттир могап,шылап,

Чазыг кылгаш, хойну бодап мунчулганда,

Авам кужур удуп чыдар чевээн орта.