1940 чылдыӊ сентябрь 1-де Тес-Хем кожуунуӊ Деспен суурга төрүттүнген.

     Моторк Тирчин 1948 чылда Деспен эге школазынга өөренип кирген. Берт-Даг чеди чыл школазын 1955 чылда дооскан.

     1959-1960 чылдарда Кызылдыӊ механизаторлар училищезин дооскан.

     1961-1963 чылдарда Совет Армияныӊ харылзаа кезээнге шериг албанын эртирген.

     1964-1965чылдарда  Берт-Дагныӊ ортумак школазыныӊ кежээки школазыныӊ 8-ки клазын дооскан.

      1963-1968 чылдарда Берт-Даг харылзаа салбырынга начальниктеп ажылдаан. Бот-өөредилге биле почта-харылзаа начальниктериниӊ бир чыл курсзун дооскан. Красноярскиниӊ көдээ ажыл-агый  факультединиӊ кол булгалтериязын бот-өөредилге-биле дооскан.

      1968-1971 чылдарда Тес-Хем совхозтуӊ Деспен салбырынга бухгалтерлеп ажылдап турган.

       1971-1973 чылдарда хову-трактор бригадазыныӊ бригадири.

       1976-1978 чылдарда берт-Даг, Чыргаланды Советтер даргазы.

      1978-1980 чылдарда  СХТ-ге экономистеп турган.

      1980-1989 чылдарга чедир тус черниӊ радиоорганизатору.

      1989-1993 чылдарга чедир СХТ-ныӊ «Артык кезектер» складыныӊ эргелекчизи.

      Бот өөредилге биле Тыва Республиканыӊ журналистике талазы биле тускай факультедин дооскан.

1952 чылда баштайгы «Берт-Даг» деп шүлүү парлаттынган. 1965 чылда солуннарга хүннүӊ чугула темаларынга хамаарыштыр материалдарны бижип эгелээн.

      1968 чылдан эгелеп янзы-бүрү шүлүктери «Тываныӊ аныяктары», «Шын» солуннарга парлаттынып эгелээн.

       1981 чылда «Ѳзүмнер» деп чыындыга шүлүктери үнген.

       Тываныӊ тус-тус солуннарынга,  «Улуг-Хем» сеткүүлге шүлүктер болгаш чечен чугаалар парлаттынган. 1993 чылда «Күдээлер» деп тоожу чырыкче үнген.

       Моторк Тирчин Россия Федерациязыныӊ журналистер эвилелиниӊ кежигүнүнче 1985 чылда кирген.  1992 чылда Тываныӊ Чогаалчылар эвилелиниӊ кежигүнү болган.