Чинмит Өөлет Эртинеевич 1942 чылдын май 1-де Тес-Хем кожууннун О-Шынаага малчын арат Чиңмит Эртиненин ог-булезинин хеймер оглу бооп төрүттүнген. Ол Берт-Даг  ортумак школазын дооскаш, 1961-1964 чылдарда шериг албан хулээлгезин Сонгу Доштуг океан эриинге эрттирген.

1964 чылдан эгелээш, Берт-Даг, О-Шынаа база Самагалдай көдээ Советтер ажылынга он алды чыл ажылдаан.

        Ө.Э. Чиңмит Самагалдайга садыгжылап, ПМК-1070-ге,

О-Шынаа совхозка склад  эргелекчилеп ажылдап чораан. Ол Тес-Хем район совединиң  Өртке удур  ниитилелиниң  даргазы болуп хөй чылдарда  ажылдаан.

        1992 чылдан 1998 чылга чедир пенсияже (хүндүлүг дыштанылгаже) үнгүже, кожуунар аразының  “ Таңды-Уула” солуннуң тускай корреспендентизинге ажылдаан.

      Чогаал ажылын 1970 чылда эгелээн. Ол шулукчу, прозачы, 4 номнарны, 42 ырларнын созун бижээн.

       Ол чылдардан Эгелээш, Ө.Э.Чиңмиттиң чогаалдары “Улуг-Хем” альманахка, республика солуннарынга доктаамал  үнүп келген. Ө.Э Чиңмит “Кижиниң чаражы чүдел?”, “Көржең-оолдаары болур бе?”, “Чүгүрүктер чүге читкен?” деп маргылдаалыг диспут ажык чугааларны “Шын” солунга көдүрген.

      Тодаргайлаарга, компартия уезинде наадымнар, байырлалдар Тывага болурга,  чүгле мөгелер хүрежип, тыва хүреш болур турган, аът чарыжы аскап турган. Тыва улустуң байырлалы аът чарыжы чокка эртпейн турганын сагындырып, Ө.Э. Чиңмитиң “Чүгүрүктер чүге читкен?” деп маргылдаалыг  чугааны көдүргени аът чарыжынга  кичээнгейниң көдүрлүүнге идиг болган. ТР-ниң Чазааның Даргазы Ш.Д Ооржакты Тывага аът  спортунуң президентизи кылдыр соңгуп алганынның соонда, ол ажыл бо хүннерде шуудай берген. Харын-даа Тывага база Моолга, кая-даа бооп көрбээн улуг байырлал—“Эзир-Кара” байырлалын чылдың-на Тес-Хем база Эрзин кожууннарынга эрттирери чаңчыл апарган.

       Дооскан эртемнери: Кызылдын садыг училищезин,  Марксизм-Ленинизм университединин доозукчузу, журналист, киномеханик, бухгалтер.

       Өг-булелиг, 1 оолдун, 2 кыстарнын ынак ачазы.

       Оонун ишти: Чинмит Клара Маадыровна-шулукчу, «Могенин девии» деп номнун автору.

Чечен чугаалары:

«Балалбас ис», «Чугурук-Доруг», «Чургуй-оол маадыр чуректерде».

Тоолдары:

«Кудер моге», «Угаангыр ирей», «Эртемниг уш оол».

Шулуктери:

«Онгеш хемим», «Чалгыва даан, Кара-Холум», «Калдак-Хамар», «Шара-Нуурум», «Ошпес чырыыр», «Ынак авам», «Авамныы дег опей ыр бооп…», «Намзырай», «Канчалзымза чоруур ирги?», «Хойжу кызы», «Кудер моге», «Угаангыр ирей», «Эртемниг уш оол».